Shorti i Champions League përplas ekipet e mëdha



UEFA ka organizuar në Nyon të Zvicrës shortin për fazën çerekfinale të Ligës së Kampioneve ku janë përcaktuar përballjet e mëtejshme.

Pas shortit Reali i Madridit, Bajerni i Mynihut, Barcelona dhe Juventusi do të ndeshen mes tyre në katër duele që mund të cilësohen si finale të parakohshme. Reali Madridi, mbajtësi në fuqi i trofeut do të përplaset me Bajernin, kurse Barça dhe Juve rigjejnë njëra-tjetrën në një përsëritje të finales së vitit 2015.

Skuadrat që do të përballen në fazën çerekfinale:
Atletiko Madrid – Leister Siti
Borusia Dortmund – Monako
Bajern Mynih – Real Madrid
Juventus – Barcelona

Takimet e para luhen të martën më 11 dhe të mërkurën më 12 prill. Ndeshjet e kthimit janë në program një javë më pas (18 dhe 19 prill).
Rruga drejt finales në Kardif
Çerekfinalet: 11/12 dhe 18/19 prill
Shorti i gjysmëfinaleve: 21 prill
Gjysmëfinalet: 2/3 dhe 9/10 maj
Finalja: Të shtunën, më 3 qershor, në Stadiumin Kombëtar të Uellsit në Kardif.